Moitas novidades...

 Pouco a pouco imos acercando novidades, novos e increíbles mundos por descubrir...non vos esquezades de visitar a Lerían que ten moito por ensinarnos...

PROTOCOLO DE USO DA BIBLIOTECA

 Este ano, temos que ter moi presentes unhas cantas cousas para poder utilizar a Biblioteca e os espazos que nela hai.

Xa sabedes, moito coidadiño e asi gozaremos máis!

PROTOCOLO DA BIBLIOTECA CURSO 2020-2021

BENVIDXS AO CURSO 2020-2021

 Benvidxs de novo, amiguiñas e amiguiños!!!!

Este curso tan curioso e especial que imos a comezar, estará cargado de novidades na nosa Biblio Baliño!

A nosa maquinaria xa está poñéndose en marcha para poder ter todo a punto e comzar canto antes co empréstito de libro e goce da nosa Biblio.

A primeira novidade que xa sabes, é que temos que vir ó cole co noso tapabocas, igual que Lerín!

Tamén preparamos unha serie de espazos moi importantes para poder seguir viaxando a través das historias que nos agardan nos libros...

Como xa sabedes tamén, este ano dividimos a nosa Biblio para aproveitar o seu espazo en dúas tarefas diferentes: estudo e biblioteca; de xeito que NUNCA se poderán utilizar ao mesmo tempo.

Pronto teremos máis novas, para explicarvos como funcionaremos este novo curso, sempre con moita hixiene, coidado e limpeza, e sen esquecer as nosas máscaras, e o máis importante: "Gozar da aventura de ler"

Saudiños!!!!

Semana de despedidas!

Boas amiguiños e amiguiñas!

Ala se remata un curso de novo...este un tanto especial e diferente por esta situación que nos tocou vivir, pero sempre hai algo positivo e de aprendizaxe nela....

Eu Lerín, e os mestres e as mestras do Monte Baliño queriamos felicitarvos por ter sido uns auténticos e autenticas VALENTES! 

Este tempo como dicía, ensinounos a mirar cara nós, a desfrutar da casiña e da nosa familia, a escoitar e a pararnos a pensar, a mirar cara arriba e ver pouqiño a pouco como voltaba sair o sol, e a cargarnos de enerxía para voltar "che@s de vida" o vindeiro curso.

Agora toca gozar das esperadas e tan merecidas VACACIÓNS, dos paseos e das piscinas, do aire e do sol, dos bailes e das risas, dos amigos e das amigas...da VIDA!

Nós marchamos tamén para desfrutar de todo iso, imos a botarvos moito de menos, pero en nada estaremos escoitando os berros no cole, as risas, o timbre, os autobuses, os pratos e as pelotas...

FAMILIAS E ALUMNADO PASAI UN VERÁN MARABILLOSO E CHEO DE COUSAS BONITAS, VÉMONOS EN SETEMBRO!

Remodelando a Biblio!

A nosa Bilio-Baliño cada vez ten máis recursos tanto bibliográficos, coma lúdicos, xornais, revistas, rincóns artísticos, etc...

Os nosos "Papagaios" xa teñen un lugar privilexiado, aqui os podedes ver todos colocadiños e ordeados!

Busca do Tesouro

Hoxe, seguimos conmemorando o día da biblioteca, así que plantexamos unha pequena busca do tesouro, con premio incluido, coa finalidade de que todas e todos coñezan os recunchos e elementos clave utilizados na nosa biblio.
Dende o alumnado de infantil, ata o de primaria, participaron e pasarono pipa, buscando o tesouro do "Capitán Patacoxa"!

XA TEMOS MASCOTA!

TACHÁN, TACHÁN!!
Xa temos unha super mascota, despois dunha votación de todo o colexio, e dun axustado escrutinio, a gañadora é.....LERÍN

A artista que o realizou foi Blanca, alumna de sexto de primaria, noraboa!
Moitas grazas a todas e a todos os que partcipastes nesta actividade tan especial!!!
Presentámosvos a LERÍN!

CARTEL DE CHEO

Hoxe os nosos biblioaxudantes tiveron moito traballo, a nosa biblio chea de novidades, colgou o cartel de completa, aqui vós deixamos unha mostra de como estaba na hora do recreo.
Vivan os libros e viva a biblio Baliño!

GRAZAS FAMILIAS!

Esta semana estamos de noraboa!, a biblioteca encheuse de novos libros e xogos que as familias mercaron para ampliar os fondos da mesma, tedes un montón de novidades, vide a biblio a velos!
MOITAS GRAZAS!!

Volta ó cole!

Setembro...toca volver ó cole! Un novo curso cargado de emocións, novas aprendizaxes, actividades, compañeiras e compañeiros, etc...
Dende a biblioteca tamén vos damos a benvida a este curso 2019-2020, no que pouco a pouco iremos desvelando moitas actividades e novidades lectoras...
Non deixedes de mirar o noso blogue...haberá noticias frescas!!
De momento para empezar, a bliblio busca mascota, queres participar? Anímate!! Aqui podedes ver as bases do concurso!

Feira do Libro de Segunda Man

Un dos cometidos de participar no PLAMBE consiste en actualizar a nosa Biblioteca.
Despois de moitos anos de utilización, na nosa Biblioteca había unha morea de libros que o noso alumnado xa non estaba a empregar polo que, foi necesario "liberar" estes libros para poder dar cabida a novas coleccións e títulos máis novidosos e que consigan motivar ao noso alumnado.









É por iso que, con motivo da Conmemoración do Día do Libro, dende a escola, decidimos celebrar unha pequena "Feira do Libro de Segunda Man".



Os biblioaxudantes durante as semanas previas estiveron seleccionando os títulos que querían donar aos pantoneses e pantonesas, para despois levalos á praza do Concello e colocalos nas distintas mesas para que os habitantes de Pantón, puideran pasar a recoller un título da súa elección.

Foi unha bonita iniciativa que esperamos axudara a todos a seguir 

animándoos a ler moreas e moreas de libros.

🔖🔖 Novo sistema de organización 🔖🔖

Ás veces, non sempre é doado para os máis pequenos coñecer a orde alfabética para poder colocar o libro no lugar que lle corresponde. 

É por iso que, deseñamos estas tarxetas para poder facelo un pouquiño máis sinxelo ao poder clasificar os libros segundo o nivel de lectura (azul, vermello, verde e amarelo) e tamén pola inicial do autor/a do libro.

👻👻 Recuncho do Samaín 👻👻

Entre tanto ir e vir, esquecémonos de subir ao blogue o noso pequeno recuncho da Biblioteca adicado ao Samaín.

Este terrorífico castelo recomendaba aos máis cativos algún dos títulos favoritos desta época. 

E ti, atreveríaste a vivir todas as escalofriantes aventuras que se recollen nestes libros?