Creando arte!

 Hoxe tivemos a nosa formación anual de biblioteca creativa!

Este ano seguindo co noso PDI, buscamos o xeito de aprender novas técnicas de pintura e exerimentar co mundo dos grafittis e murais artísticos!

Chegamos ao traballo de "Concepto circo" que nos brindaron unha xornada preciosa, cargada de técnicas, cor e creatividade!

O alumnado foi pasando por quendas para aprender sobre este tipo de arte e foron experimentando con pintura plástica e "spray"!

Decoramos o noso porche amarelo, no que cada neno e nena deixou a súa pegada, agora wueds rematalo!

Moitas grazas Marcos e Manu por este día tan chulo e divertido, e por achegarnos un chisquiño da vosa maxia artística!

 

Collage de Fotos Pareja Viaje Creativo Ordenado Colores Pastel de CEIP Monte Baliño

Día do libro 2026

 O 23 de abril é un día moi especial no noso calendario!

Celebramos por todo o alto o día do libro, o gusto pola lectura e aventuras que nos agardan nos exemplares que temos na biblio, festexamos os versos dos poemas que enchen os andeis das nosas casas, pero sobretodo aproveitamos para facer moitas actividades relacionadas ca lectura dun xeito diferente!

Entre todas as propostas que se levarán a cabo durante esta semana e a seguinte, unha delas foi un programa de radio en directo durante o recreo, que deixaremos aqui colgado, no que durante os 30 minutos de lecer, o alumnado e mestras e mestres do cole, foron pasando pola Radio Baliño, para ler un anaquiño do Quixote, libro a conmemorar por escelencia nesta data.

Primeiramente as crianzas de primeiro e segundo, contáronnos porque o 23 de abril se celebra o día do libro, que ben o fixeron e canta información nos deron!

Logo a modo de réplica do que se fai cada ano no Circulo de Belas Artes de Madrid, dende 1996, fomos lendo pequenos pasaxes desa obra tan importante de Miguel de Cervantes!

Grazas a todas e todos por compartir un anaquiño nas nosas ondas!!

Aqui vos deixamos algunhas fotos do momento!

Concurso día do libro 2026

 Seguindo co noso PDI anual, este ano Lerín proponvos un reto creativo para o día do libro!

Con exemplares que teñades por casa vellos, ou incluso pintados nalgunha transada dos pequechos e pequechas, libros esquecidos nos andeis...pódense convertir nas mellores e máis creativas obras de arte!

Aqui vos deixamos a información necesaria!

Moitas grazas pola vosa participación!!

Un saúdo de todo o equipo de bilioteca!

Flyer día mundial del arte ilustrado violeta y rojo de CEIP Monte Baliño

Visita moi especial!

 Hoxe si que tivemos sorpre no cole!!!!

Despois dun ano de terse ido do cole, os nosos alumnos e alumnas que marcharon o ano pasado para instituto, viñeron a pasar unha xornada chulísima con nós, traían preparadas unhas lendas, e un montón de historias sobre o instituto para achegarlles aos pequenos e pequenas a súa experiencia!

Pasaron por todas as clases, gozaron dun recreo cos seus excompañeiros e excompañeiras, xogamos un partidiño, e o alumnado de quinto e sexto aproveitou para fecerlles unha entrevista!

Moitas grazas, Assur, Mateo e Ana, por volver ao cole a ensinarnos tantas cousiñas!!!

Moita sorte e a seguir crecendo!

Lecturas ao sol

 Hoxe na nosa hora de lectura saimos a gozar do pracer dun bo libro, da compañía e do sol!

E asi despedimos este trimestre! 

3 cumios!

 Hoxe tivemos unha visita moi especial no cole, Tomás e Manuel achegáronnos o mundo do alpinismo e compartiron con nós unha experiencia marabillosa levada a cabo en Perú!

Con moito xeito contáronnos que é iso do alpinismo, que se precisa, como se preparan, e ensináronlle ao alumnado de primaria fotos e vídeos sobre a súa última expedición, observando a dureza e dificultade deste deporte, a importancia do equipo e da seguridade e planificación de todo o que fan!

Ao mesmo tempo tamén nos explicaron que despois de visitar un lugar tan incríble era necesario para eles poder compartir e agasallar con algo á xente e ao lugar que os estaba acollendo e que os estaba deixando desfrutar de esta experiencia.

Asi que movidos polo seu espíritu emprendedor e docente, decidiron facer unha lista de material necesario nas escolas da contorna e facerllo chegar, unha maneira excepcional de compartir, agasallar e convivir!

Grazas por facernos partícipes das vosas andanzas!

ACTIVIDADE SEMANA DA PRENSA

 Esta semana foi a semana da prensa e os máis cativos e cativas do noso Baliño, gozaron cunhas propostas sensoriais nas que deixaron voar a imaxinación e desbordaron creatividade. Empregaron xornais e rulos de cartón. 

Crearon prismáticos, fixeron bolsos, mascotas, trasvasaron, rasgaron, cortaron.... aprender xogando e desenvolvendo a motricidade fina con materiais cotiás. Novos usos e reutilización. Non o plástico!

Semana da prensa. Biblioteca creativa.

Proxecto Voz Natura.