sábado, 23 de marzo de 2019

Semana da Árbore e da Auga


Durante esta semana, co galo da 8ª Semana Escolar da Árbore e da Auga,  estivemos a traballar sobre a importancia do coidado do noso medio ambiente, facendo un especial fincapé na importancia da conservación da nosa natureza.
Para iso, grazas aos materiais doados pola Deputación de Lugo, estivemos a ler os libros: O poder da auga de Xose A. Perozo, para o alumnado de primaria.
  • A camiñada de Pin e Gas de Xose A. Perozo, para o alumnado de infantil.












Ademáis, aproveitamos para plantar un fermoso bidueiro o que lle puxemos de nome "Chirri"





jueves, 21 de marzo de 2019

Día da Poesía - 21 de marzo

Como cada 21 de marzo, dende a escola celebramos o Día Mundial da Poesía, decretado pola UNESCO no ano 1999, co fin de fortalecer a cultura, especialmente dende a arte.

Coincidindo co mes adicado ás mulleres, os/as maiores do cole, recitaron algúns dos poemas que eles mesmos elaboraron durante as semanas previas.

O alumnado de 1º e 2º de primaria, recitou en grupo o poema "Mulleres", creado por Rubén Pedrido, un dos nosos alumnos de 5ºEP..






E os máis pequechos do cole, conseguiron recitar unha pequena poesía que converteron en canción sobre un dos contos que estamos a traballar neste días na aula, "Elmer" de David McKee adaptado por Juan Rafael Muñoz Muñoz.

Escoitao aquí:


viernes, 15 de marzo de 2019

Noraboa aos nosos grandes artistas!




Dende aquí, non queremos deixar pasar a oportunidade de transmitir a nosa máis sinceira noraboa a dous pequenos artistas en potencia da nosa escola, que foron premiados no II Concurso Fotográfico Christina Snellman ‘Viña Sacra’.



Noraboa Alejandro e Cristina!!





Traballando co xornal



Ao longo desta semana, na hora de ler estivemos empregando os xornais que temos no centro...

MoitoConto




Sen dúbida, un dos que máis lle gustou foi  "O Papagaio, un xornal para xente miúda"; un xornal recibimos periódicamente no cole e que trata temas de ciencia, ecoloxía, arquitectura, banda deseñada, literatura... 

Podedes obter máis información no seguinte enlace:  http://www.edicionsmoitoconto.com/





Ademáis, os/as maiores do cole, explicáronnos cales son as partes máis significativas dos xornais para máis tarde disfrutar coa lectura dos "xornais dos maiores".






Unha moi grata experiencia que lles achega un pouquiño máis ás experienciais do día a día.





lunes, 11 de marzo de 2019

Semana da Prensa

Grazas á colaboración de Dani Vieitez e Iria Iglesias ( familia dunha das nosas alumnas) puidemos levar a cabo unha actividade moi divertida que nos permitiu coñecer un pouquiño máis sobre o mundo da ilustración e da prensa.



Ademáis, tivemos a sorte de ser uns dos primeiros en coñecer un preciosos conto que aínda se está a cociñar no forno.

 Fomos todo uns privilexiados!!

Ao longo da semana, seguiremos a traballar co Xornal...estade atentos e volo seguiremos contando!


Día da Muller - 8 marzo



Todo o cole, no día de hoxe, acudimos ao Centro Cívico de Monforte, convidados polo CIM e en colaboración co colectivo "Lemos Le" para a presentación do libro de Genoveva González Prieto, o cal xunto cos centros educativos e as bibliotecas tanto de Monforte como da comarca de lemos, axudamos a ilustrar durante o ano pasado.


Este ano, a muller escollida para conmemorar no Día da Muller, foi Genoveva Gonzalez Prieto, unha mestra de Bóveda que loitou polos dereitos de todos os cativos e cativas da comarca a ter unha educación de calidade.




Cómpre dicir que o próximo ano, o 8 de Marzo será adicado a Inés Fernández, abadesa na nosa vila no século XV.


Unha moi boa iniciativa que consegue 
poñer en valor ás mulleres máis destacadas da nosa Comarca.




Radio na Biblio


Este curso 2018/2019 dende o Equipo de Bibliotecas, propuxémonos comezar coa aventura da radio na Biblio.

Partindo da idea traballada no Día da Muller na ciencia ( 13 de febreiro) comezamos a elaborar un pequeno programa de Radio baixo o nome de "Radio Baliño".

En grupos cooperativos, o alumnado de 5º e 6º de Primaria foron elaborando distintas entrevistas, anuncios publicitarios e noticias para incluir no noso programa.

Aquí vos deixamos a nosa primeira achega ao mundo da radio.

Agardamos que vos guste tanto como a nós!



domingo, 10 de marzo de 2019

Comparsa de Entroido!!






O Entroido semella que aínda non rematou e seguimos a recibir un milleiro de fotos das familias do noso cole, desfilando coa COMPARSA DO ENTROIDO polas rúas da nosa Vila!! 

Que ben o pasaron!!




viernes, 8 de marzo de 2019

Viva o entroido!!



Este curso os nenos e nenas do CEIP Plurilingüe Monte Baliño, decidimos deixar os libros por un día e coller os apeiros de labranza para poder recolectar toda clase de froitas da nosa contorna.

Os máis pequenos e pequenas do cole, vestíronse de labregos e labregas e os de primaria, representaron as distintas froitas cos seus disfraces, os cales fomos elaborando na escola durante os días previos.




Unha gran macedonia de froitas chea de laranxas, limóns, sandías, amorodos, kiwis e piñas... desfilou polas rúas de Pantón, acompañada das nosas familias e de moitos curiosos e curiosas que se achegaron ata a Praza.


Pasámolo en grande!!



Comeza Radio Baliño!!


Comeza a nosa nova andadura na Radio.


Aquí vos deixamos un pequeno podcast  onde se recolle o traballo realizado polo alumnado de 5º e 6º de educación, destacando a distintas mulleres da nosa historia.

Podedes escoitalo aquí debaixo.

Que o disfrutedes moito!

<iframe id='audio_34117706' frameborder='0' allowfullscreen='' scrolling='no' height='200' style='border:1px solid #EEE; box-sizing:border-box; width:100%;' src="https://www.ivoox.com/player_ej_34117706_4_1.html?c1=ff6600"></iframe>


jueves, 7 de marzo de 2019

Xoves de comadres e compadres

Ao grito de "mulleres ao poder" comezaba a nosa celebración do 
Xoves de comadres e compadres.


Dende o cole quixemos seguir mantendo esta bonita e divertida tradición galega de correr as comadres e compadres que previamente prepararamos coa axuda dos nosos maiores no Centro de Día, como parte do programa de Bibliotecas Escolares Solidarias no que estamos a participar.



Semana de excursións

A semana pasada foi moi, moi intensa... todo o alumnado do cole nos escapamos de excursión!! Dende infantil a 4º de primaria, puide...