LECTURAS TERRORÍFICAMENTE MEDORENTAS

No Baliño estamos xa inmersos na festividade que tanto nos gusta que se celebra a finais deste mes de Outubro: o Samaín.

O noso demo Lerín recordavos que podedes visitar o seu castelo encantado " a Biblioteca", botar unha ollada e levar de empréstito algunhas lecturas de medo para facer arrepiar os vosos corpiños!!!

Semana da Árbore e da Auga

Durante esta semana, co galo da 8ª Semana Escolar da Árbore e da Auga,  estivemos a traballar sobre a importancia do coidado do noso medio ambiente, facendo un especial fincapé na importancia da conservación da nosa natureza.

Para iso, grazas aos materiais doados pola Deputación de Lugo, estivemos a ler os libros: O poder da auga de Xose A. Perozo, para o alumnado de primaria.

• A camiñada de Pin e Gas de Xose A. Perozo, para o alumnado de infantil.

Ademáis, aproveitamos para plantar un fermoso bidueiro o que lle puxemos de nome "Chirri"

Día da Poesía - 21 de marzo

Como cada 21 de marzo, dende a escola celebramos o Día Mundial da Poesía, decretado pola UNESCO no ano 1999, co fin de fortalecer a cultura, especialmente dende a arte.

Coincidindo co mes adicado ás mulleres, os/as maiores do cole, recitaron algúns dos poemas que eles mesmos elaboraron durante as semanas previas.

O alumnado de 1º e 2º de primaria, recitou en grupo o poema "Mulleres", creado por Rubén Pedrido, un dos nosos alumnos de 5ºEP..

E os máis pequechos do cole, conseguiron recitar unha pequena poesía que converteron en canción sobre un dos contos que estamos a traballar neste días na aula, "Elmer" de David McKee adaptado por Juan Rafael Muñoz Muñoz.

Escoitao aquí:

Radio na Biblio

Este curso 2018/2019 dende o Equipo de Bibliotecas, propuxémonos comezar coa aventura da radio na Biblio.

Partindo da idea traballada no Día da Muller na ciencia ( 13 de febreiro) comezamos a elaborar un pequeno programa de Radio baixo o nome de "Radio Baliño".

En grupos cooperativos, o alumnado de 5º e 6º de Primaria foron elaborando distintas entrevistas, anuncios publicitarios e noticias para incluir no noso programa.

Aquí vos deixamos a nosa primeira achega ao mundo da radio.

Agardamos que vos guste tanto como a nós!

Comparsa de Entroido!!

O Entroido semella que aínda non rematou e seguimos a recibir un milleiro de fotos das familias do noso cole, desfilando coa COMPARSA DO ENTROIDO polas rúas da nosa Vila!! 

Que ben o pasaron!!

Viva o entroido!!

Este curso os nenos e nenas do CEIP Plurilingüe Monte Baliño, decidimos deixar os libros por un día e coller os apeiros de labranza para poder recolectar toda clase de froitas da nosa contorna.

Os máis pequenos e pequenas do cole, vestíronse de labregos e labregas e os de primaria, representaron as distintas froitas cos seus disfraces, os cales fomos elaborando na escola durante os días previos.

Unha gran macedonia de froitas chea de laranxas, limóns, sandías, amorodos, kiwis e piñas... desfilou polas rúas de Pantón, acompañada das nosas familias e de moitos curiosos e curiosas que se achegaron ata a Praza.


Pasámolo en grande!!

Festival de nadal

Fai click no seguinte enlace para poder ver un pequeno resumo das actuacións do Festival de Nadal, onde unha vez máis, os libros estiveron moi presentes.

Festival de Nadal 2018 - CEIP Monte Baliño

🔊🔊Audioconto " O capitán Pirata" 🔊🔊

Aquí vos deixamos o audioconto gravado polo alumnado de 3º e 4º con motivo do Día da Biblioteca..." O capitán Pirata"

¡Que o disfrutedes!

 O capitán Pirata

Educación física na rúa

 Polo día da Educación Física na Rúa

os nenos do cole Ceip Plurilingüe Monte Baliño  

buscamos información sobre distintos xogos 

do mundo.

Despois fixemos unha pancarta con cada un dos

xogos dividíndoos por continentes.

Para rematar baixamos a praza para facer todos

este xogos. 

Moitos veciños estaban connosco pero ningún se animou a xogar.