Mochilas viaxeiras🌈🎒

 E seguen as nosas mochilas a recorrer fogares e encher de historias e letras as casiñas do noso alumnado.

Hoxe Anita de terceiro fainos chegar este vídeo tan claro e conciso, grazas Ana e familia👏🏻💜

Purple day💜

  Hoxe é un día moi especial!

No Monte Baliño apoiamos e queremos dar visibildade ao día de concienciación sobre a epilepsia.

Purple Day comeza con Cassidy Megan, unha nena con epilepsia que con 9 anos, conseguiu vestir de morado a tod@s @s senador@s canadienses.

Dende ese momento en 2008, millóns de persoas lembramos cada 26 de marzo que é preciso investir en investigación e ciencia, ademáis dunha chea de aspectos máis, necesarios para poder seguir mellorando a vida das persoas que padecen epilepsia e o seu entorno!💜

A través do conto de “Celia e Luna” de Nuria Díez e con ilustracións de Paco Ortega, achegannos esta historia de superación, de amor e das diferentes formas de comunicación que poden existir.

Como xa é un clásico por esta data, Ían e Eli facendo alarde do seu bo facer para contar historias, len este conto precioso para todo o cole!

Mil grazas Ían e Eli por este contacontos marabilloso!👏🏻👏🏻

Purple power!

26 DE MARZO 2022: PURPLE DAY

O vindeiro 26 de marzo de 2022 celébrase o "Purple Day: día da epilepsia". Para visibilizalo e concienciar sobre a importancia da investigación e coñecemento da mesma, no CEIP Monte Baliño poñémonos morados. 

Busca na túa casiña algunha prenda ou complemento (Ponte todo o morado que atopes!!) e o venres 25 de marzo esperámoste ver! 

APOIAMOS ÁS PERSOAS CON EPILEPSIA!!

Agradecimiento seguidores instagram de CRISTINA PAMPIN ALVAREZ

Escornabots e gramática🤖📚

 Quen dixo que aprender gramática non era divertido?

Hoxe en quinto repasamos as categorías gramaticais axudados dos nosos Escornabots!

Utilizando as preoposicións, conxuncións e pronomes persoais, realizamos unha actividade moi robótica, primeiro había que buscar a categoría gramtical que a profe suxeríar, despois crear unha frase utilizándoa correctamente!

Mochilas viaxeiras🌈🎒

 Hoxe tócalle o turno ao noso particular “devorador de contos”! Ían de sexto de infantil goza, desfruta e é moi feliz cada vez que entre as súas mans aparece un conto, desta volta cremos que o que máis lle gustou foi o de Elmer e as cores, que vos parece?

Moitas grazas Ían e familia!🌈👏🏻👏🏻

CONTOS 8 M: AS PRINCESAS TAMÉN SE TIRAN PEIDOS

As princesas son rosas, delicadas, débiles... BASTA XA DE PARAFERNALIAS!!.... as princesas son persoas e como tal teñen todas as necesidades, sentimentos, emocións que calquera ser humano poida manifestar... e por suposto...TÍRANSE PEIDOS!!!🙊

Na aula de Infantil de 5º e 6º, na sesión de estimulación da linguaxe escoitaron, aprenderon, falaron e riron a cachón co conto titulado "As princesas tamén se tiran peidos". Desmitificaron as ideas tradicionais acerca das diferentes princesas dos contos: Brancaneves, Cincenta, Ariel...

Tras a lectura fixeron un pequeno intercambio de opinións e argumentos de como podería ser unha princesa fuxindo dos clásicos. Sairon palabras como guerreiras, fortes, valentes, aventureiras... Relacionamos isto coa inminente conmemoración do 8 Marzo "Día Internacional da Muller"

Como culminación decidiron plasmar a través dun debuxo todos os puntos fortes que creían debería ter unha princesa.

Velaquí vos deixamos os seus fantásticos debuxos!! Uns pequenos e pequenas artistas!!

 

PROTAGONISTAS FEMININAS PELÍCULAS ANIMADAS CON BLUEBOT

A nosa rapazada de 5º e 6º de Infantil, na sesión de Estimulación da Linguaxe, recibiron unha nova visita de Bluebot (un dos nosos escornabots). Sempre é ben recibido! Esta vez para realizar unha actividade enmarcada dentro do 8 de Marzo "Día da Muller"

Tras a visualización dun pequeno Genially con actividade interactiva incluida para introducir a temática, fixeron programación con Bluebot, para achegar as diferentes protagonistas femininas de películas animadas aos obxectos/elementos identificativos das mesmas. 

Durante ó longo da sesión traballaron concienciación e valores (as mulleres son valentes, aventureiras, loitadoras, fortes...) fuxindo de estereotipos de delicadeza e debilidade, expresión oral, vocabulario, comprensión de información oral, orientación espacial, descrición, seguimento de pistas, respeto de quendas, escoita activa...

Gracias aos pequenos e pequenas por demostrarnos que a educación en igualdade ten que empezar dende as idades máis temperás!

Nin mellores nin peores, persoas en igualdade de condicións!