Nas actividades realizadas na aula de apoio, tamén aproveitamos a tecnoloxía para afianzar aprendizaxes, neste caso relacionados coa LECTOESCRITURA.
Na primeira tarefa que vos ensinamos a continuación, reforzamos a interiorización de ortografía de palabras con ñ/ll/j/g/b/v a través do xogo con Greenbot.
- Ensinamos unhas tarxetas con pictogramas que conteñen as grafías correspondentes, previamente traballadas noutra actividade.
- Memorizamos as imaxes durante 1 minuto.
- Retiramos da vista e movémonos con Greenbot programándoo co menor número de movementos posible e recollendo as imaxes memorizadas,
- Comprobamos que se conseguiron todas as imaxes presentes nas tarxetas iniciais
- Escribimos con rotulador vileda as palabras, tendo en conta a ortografía.
- Construimos oracións con elas.
Na segunda tarefa, traballamos lectura de oracións que conteñen palabras coas letras ñ/ll coas que o rapaz ten confusións.
- Lanzamos dous dados e contamos
- Buscamos número correspondente entre as tarxetas distribuidas no taboleiro.
- Programamos o Greenbot, cun número de movementos que non pode superar os tres para conseguir chegar á tarxeta.
- Se chegamos lemos, e se o facemos de xeito correcto, marcamos cun selo dun trevo da sorte. Se o non conseguimos chegar nos movementos dados e/ou lemos incorrectamente, ohhhh...selo da "morte"
- Se temos dúas mortes ao rematar...tarefa non conseguida...temos que repetir proceso.
