Hoxe comezamos os nosos festexos especiais polo día do libro, que se celebrou onte, 23 de abril!
Cada día da semana teremos unha actividade diferente, empezou a semana coa nosa biblio-patio para poder ler nos nosos momentos de lecer, así desfrutaron hoxe no recreo!
Esta semana tivemos unha charla moi especial e didáctica, grazas a Sonia, comadrona do hospital de Monforte, aprendemos moitas cousas sobre a vida e como chegamos a este mundo!
Explicoulles a todos os nenos e nenas en que consite o seu traballo, como son os nosos corpos, como evolucionan e cambian coa idade e resolveulles todas aquelas dúbidas que tiñamos sobre estes temas!
Moitísimas grazas a Sonia polo seu tempo e as súas explicacións e bo facer, tamen á Anpa por achegarnos esta actividade tan chula, tan aproveitable e da que tanto aprendemos!
Hoxe, martes 18 de abril, o profesorado e alumnado do Baliño, realizamos unha saída a Salcedo. Unha saída á nosa terra, actividade enmarcada dentro do PDI deste ano "Miña terra galega". Ao corazón dos nosos montes galegos, en plena natureza, a cal semellaba triste, solitaria e doente. Unha imaxe desoladora inondou as nosas retinas. Por mor dos incendios, o monte estaba negro e vacío... Sen árbores... Sen vida...
O coordinador da actividade (un axente ambiental) xunto cos seus compañeiros, explicáronnos o sucedido. Un raio causara toda aquela desgraza! Falounos do que era un INCENDIO FORESTAL, as causas, efectos socioeconómicos e ambientais, a importancia que ten o chan, non so as árbores e cales son os coidados para previr esta situación e cales son as actuacións a levar a cabo tras a mesma, dándolle fundamental valor o solo para repoboar os nosos montes.
Pasamos unha mañá de aprendizaxe do máis significativa.
Os montes son vida polo tanto....COIDÉMOLOS!!!
É cousa de Tod@s!
Con motivo do día do libro que se celebra o 23 de abril, dende o cole poñemos en marcha unha iniciativa, para darlle vida a eses textos usados ou contos esquecidos nos andeis das nosas casas...
A idea é que cada neno e nena traia, antes do 21 de abril (data límite), un libro usado que estea ainda en boas condicións para poder ser lido.
Posteriormente realizaremos un "Mercadillo" no cole, no que o alumnado poderá "mercar" a cambio do seu exemplar, un novo libro e vivir unha aventura diferente!
Moitas grazas pola vosa colaboración!
Hoxe tivemos unha visita moi especial! Participamos na radio na escola, coa nosa super emisora de Ralerín, a radio do Monte Baliño, emitindo sempre con moito cariño!
Este ano tivemos a sorte de ser selecciona@s para poder vivir un día de radio con dúas profesionais as que lle queremos dar en primeiro lugar as grazas!
Primeiro explicaronnos a tod@s como funcionaba a radio, que era, que se podía escoitar nela, etc…, despois o alumnado de quinto e sexto, quedou para grabar un programa que pronto poderedes escoitar en directo, un programa sobre Galicia, no que todoa a cativada do cole participou!
Hoxe é 2 de ABRIL: Día de concienciación sobre o Autismo.
No Monte Baliño a diversidade enriquécenos. Para conmemorar este día ademais de vestirnos con prendas e complementos azuis, enchemos o cole de globos desa cor e preparamos unhas fermosas bolboretas azuis con materiais de refugallo para seguir enchendo de luz, desexos e ledicia o noso novo "recuncho da EMPATÍA".
Velaquí tendes as nosas creacións:
RESPETA, ACEPTA, VALORA, AXUDA, COMPRENDE, INCLÚE!
MIles de gracias a toda a comunidade educativa: alumnado, profesorado, familias... por colaborar vestindo de AZUL, iluminando a nosa pequena escola polo apoio e visibilización.
XUNTOS SOMOS MÁIS FORTES, VÉSENOS E ESCOÍTASENOS MELLOR!!!!☺
A continuación deixámosvos unha pequena reportaxe fotográfica do noso día AZUL.
Para rematar este segundo trimestre, a nosa teacher Nati e máis a nosa auxiliar de conversa Ang, organizaron un día especial! Exactamente un día culinario diferente!
Ang vén de Filipinas e prestouse a seleccionar tres pratos típicos do seu país (primeiro, segundo e sobremesa), para despois preparalos xunto co alumnado dos cursos superiores (3º, 4º, 5º e 6º de primaria) coa axuda do noso cociñeiro e aproveitando o noso comedor.
Tendo en conta o número de comensais, botaron números para ter ingredientes dabondo para todos (traballando a competencia matemática), analizaron a receita (vocabulario e comprensión da receita en Inglés) e puxéronse mans á masa. Coma se dun masterchef se tratase, traballaron en grupos repartindo as tarefas, respectando aos demáis, aprendendo e rindo xuntos nun espazo diferente a aula de referencia.
O menú estaba formado por:
O resultado?? Deliciosos pratos que gozamos no último día de trimestre, coñecendo un pouquiño máis a nosa queridiña Ang, a cal tantos sorrisos nos regala. Estamos seguros e seguras de que a ela tamén lle viñeron bos recordos do seu país con esta simple pero emotiva proposta.
Mil grazas a alumnado, profesorado e por suposto a ti... ANG 😋
