III XUNTANZA GASTROLITERARIA CLUB LECTURA:

 Os rapaces e rapazas do noso Club de lectura do Lerín Lerán, remataron outra lectura e como non celebraron a súa xuntanza para intercambiar opinións sobre a mesma. Neste caso o libro entorno ao que xirou a conversa foi "Bruxas e dragóns" de Ledicia Costas. un lúdico libro no que quen le convértese en protagonista absoluto da aventura. 

A partir da súa ficha persoal de personaxe, poderá decidir se seguir o Camiño da Espada ou o da Maxia, escoller obxectos, anotar puntos de vida e intelixencia e lanzarse á acción.

Cada páxina é unha decisión: brandir a espada e combater con dados contra terribles criaturas ou aventurarse ou pronunciar arriscados conxuros que poden saír ben… ou moi mal. Ti decides o rumbo da viaxe!

Acompañaron esta xornada realizando un beberaxe saboroso e saudable batido de amorodos e espinacas... de cor verde....

Chámavos a atención??? 

Pois é curioso mesturar froita e verdura pero asegurámosvos que non estaba nada mal. Podedes probar a facelo na casiña cando gustedes!!

PLAN PROXECTA NUTRIESCOLAS 25-26

III XUNTANZA Clube de lectura "Milú e o edificio das persoas extraordinarias" e BATIDO de plátano e vainilla

Os nosos compis máis maiores, os de 5º e 6º, organizaron a III Xuntanza do Clube de lectura, novamente nunha xornada GASTRO-LITERARIA, arredor do libro "Milú e o edificio das persoas extraordinarias".

O libro é unha fábula sobre o poder da imaxinación infantil para soñar un mundo mellor. O optimismo e a fantasía convértense no antídoto contra a intolerancia e o odio. 

E como acompañamento para amenizar a xornada de intercambio de opinións, anécdotas e pasaxes do libro, prepararon e disfrutaron dun delicioso BATIDO DE PLÁTANO E VAINILLA, feito por eles/elas mesmos.

II XUNTANZA CLUBE DE LECTURA

 O noso alumnado de 5º e 6º, participantes no CLUBE DE LECTURA reuniuse de novo arredor da lectura nun entorno gastro-literario na biblioteca de LERÍN no Baliño.

A lectura elixida tiña por título "Apestoso tio Muffin" de Pedro Mañas Moreno. Unha divertida e irreverente historia que nos amosa a importancia de superar os nosos medos e nos ensina a deixar de lado os prexuizos e as falsas experiencias.

Baixo a moderadora, a súa mestra Laura, crearon un clima moi distendido e natural no que intercambiaron opinións sobre a lectura do libro en cuestión.

Nesta historia foilles complicado relacionala coa alimentación, así que inxeniosamente recurriron ao título e prepararon uns riquísimos MUFFINS para amenizar o coloquio sobre o libro.

Agradecésmoslles que non se esqueceron do resto de alumnado e elaboraron suficientes muffins para todos e todas que comemos durante o tempo de ocio acompañados do leite do programa de reparto do FOGGA (Plan proxecta Nutriescolas)

Grazas rapaces e rapazas!

Coma sempre compartimos receita e ingredientes:

• 200 g de fariña
• 75 g de panela
• 1 culler de esencia de vainilla
• 1/2 sobre de levadura en pó
• 40 g de cacao puro en pó
• 1 culler de bicarbonato
• 130 g de leite sen lactosa
• 120 g de auga
• 90 g de aceite

Prequecemos o forno a 200º e engrasamos un molde de muffins ou poñemos cápsulas de papel. Reservamos

Mesturamos fariña, azucre, levadura, cacao puro e bicarbonato.

Engadimos leite, auga e aceite e mesturamos.

Botamos mestura nun molde ata encher 3/4 partes da súa capacidade.

Levamos ao forno durante 25 min(200º)

Retiramos os muffins do forno, deixamos templar e servimos ou conservamos nun recipiente hermético.

1ª XUNTANZA DO CLUBE DE LECTURA

A mestra Laura e o noso alumnado de 5º e 6º, participante no Clube de Lectura, celebrou este xoves a súa primeira xuntanza arredor do título literario "La musaraña que robó una montaña" de Iban Barrenetxea, unha divertida historia onde descubrir que o enxeño é o tesouro máis valioso. 

Na historia, o protagonista o "rei Misérrimo" todas as mañás almorzaba unha sardiña frita, así que facendo un guiño a este dato do libro, e combinando a actividade do clube de lectura novamente co noso proxecto Nutriescolas, o alumnado degustou unha deliciosa merenda composta por tapiñas de pan centeo con sardiña....

Aiiii que gusto e que goce da, ler e comer!!!