Vaca-mundi!

Que ben o pasamos onte!

A nosa primeira excursión de este ano foi moi especial, coñecimos o mundo vacuno, démoslle de comer aos xatiños, amasamos queixo, “munguimos” unha vaquiña e sobretodo desfrutamos moitísimo!

Moitas grazas o ANPA por esta saída e ao persoal do Palomar en Láncara que nostrataron de marabilla e explicaronnos todo moi ben!

SAÍDA CANGAS "TI SI QUE ES UN BO PEIXE"

O pasado martes 29 de novembro, realizamos unha saída a Cangas, actividade enmarcada dentro do proxecta Aliméntate ben e a modalidade Ti si que es un bo peixe. Esta actividade quedara pendente de facer dende o curso pasado polas limitacións xeradas tras a Covid. 

Por fin, este curso puidemos sair do cole, respirar e estar en contacto coa natureza, neste caso co mundo mariño.

A organización por parte dos responsables da modalidade, foi impecable e adaptouse perfectamente a todo o alumnado que gozou de todas as actividades propostas: visitar ao porto e a lonxa e o mercado. Ate fixemos un simulacro de poxa. Tocamos, ulimos, vimos, escoitamos as explicacións dadas con agarimo e claridade. Agradecemos moitísimo a dedicación destas persoas e o trato que recibimos pola súa parte.... e por suposto, ao final tamén DEGUSTAMOS unha comida deliciosa preparada a base de produtos do mar: empanadiña de polbo, croquetas de algas e unha sobremesa de compota de mazá deliciosa.

Foi un sopro de aire fresco estar preto do mar e collemos forzas para rematar o trimestre coma campións e campioas!

Aquí vos deixamos un video con momentos para lembrar este precioso día no que o tempo tamén nos acompañou!!

Excursión a Lucus Augusti!

 Despois de dous anos sen percorrer novos lares, este mércores saimos felices e emocionad@s do cole, coas nosas mochilas cargadas de ilusión por voltar as nosas excursións pola xeografía galega, neste caso visitamos Lugo.

O alumnado de terceiro e cuarto non parou en todo o día, aprendemos, desfrutamos e sobretodo convivimos!

Aquí un pequeno bocadiño deste día tan especial!

Moitas grazas a Anpa por organizar e xestionar esta viaxe!

Semana de excursións

A semana pasada foi moi, moi intensa...todo o alumnado do cole nos escapamos de excursión!!

Dende infantil a 4º de primaria, puideron disfrutar dun fermoso día de convivencia coñecendo algúns recunchos da Ribeira Sacra a bordo do seu catamarán para despois rematar na fermosa Praia da Cova.

Unha xornada preciosa en compañía dos nosos compañeiros e compañeiras.

Pola outra banda, os máis maiores do cole nos fomos de ruta polo norte de España...

Puidemos coñecer lugares tan fantásticos como: Santander, o parque natural de Cabárceno, as covas de Altamira, as Covas de El Soplao, o forestal park e máis o Museo do Xurásico...

Sen dúbida fermosísimas lembranzas que permanecerán na 

nosa memoria durante moitos, moitos anos!! 

Visita a "Os Trollos"

O pasado xoves 11 de abril, todo o alumnado do cole visitou o Vivero Forestal de Os Trollos ( Concello de Bóveda) onde puidemos disfrutar dun estupendo día na natureza.

Na aula forestal, aprendimos cal é o ciclo completo da producción de madeira, dende a recolección e a sembra de sementes, pasando polos traballos de poda, desbroce...e finalizando co producto resultante deste proceso, a pasta de papel ou chapeados.

Ademáis, os maiores puideron facer un fermoso percorrido a pé polo viveiro forestal onde foron coñecendo as variedades vexetais cultivadas neste terreo.