Abrimos as portas das aventuras!

 Xa chegamos!!!

Todo listo e preparado para abrir as portas da nosa biblio!!!

Lerín e os biblioaxudantes esperanvos hoxe no recreo para poder comezar de novo outro curso máis, de aventuras e lecturas!!!

Aqui vos deixan uns pequenos consellos por se alguén se esqueceu como funcionaba a nosa biblio!!!

Mochilas viaxeiras!!!

 Xa están aqui as nosas mochilas viaxeiras cheas de aventuras, xogos, libros de ciencias, xornais e revistas...

A semana que ven comezarán de novo a chegar a vosas casas, que haberá dentro???

Atoparedes unha pequena descrición de todo o que podedes facer con elas, e unha libreta na que recoller as impresións do alumnado acerca do material que nelas vai!

Tamén ampliacos cun libro para as familias, para que podades botarlle un ollo durante UNHA SEMANA, que a teremos na casa, animaivos e se tedes algunha suxestión...aqui estamos para recibila!

3, 2, 1.....Voando mochilas!!!

Benvid@s a un novo curso cheo de aventuras!

 Arrancando motores!

Este ano o noso cole encherase de deseño, creatividade, arte, pintura, e todas esas actividades plásticas que tanto nos gustan!

Recollendo a temática das bibliotecas durante este curso 2025-2026, o noso proxecto anual chámase "Deseñar e crear, todo é comezar!

Así percorreremos e descrubriremos diferentes tipos de manifestacións artísticas, que nos guiarán no noso día a día e naquelas actividades máis sinaladas no calendario! 

As familias de nova incorporación darlle a benvida a esta gran familia, aquelas que xa levan no cole máis tempo, lembrarlle  un ano máis que estamos encantad@s de que formen parte do Monte Baliño, un cole con moito cariño!

Biblio Baliño quentando motores!

Cartel Póster Datos sobre el Proceso Artístico Doodle Amarillo y Marrón de CEIP Monte Baliño

Recomendacións lectoras

 Queridas familias:

Aqui estamos rematando o curso 2024-2025, sen apenas darnos conta de que xa pasou un ano!

Dende Bibliobaliño queremos recordarvos que sempre é un marabilloso momento para ler e mergullarse nunha boa historia, como fai o noso alumnado ao longo de todo o ano!

Aqui vos quedan unha chea de oportunidades seleccionadas en conxunto co Colectivo Lemos Le ao que pertencemos!

Pasai un bonito verán cheo de sol e enerxía, desfrutade moito das vacacións e Lerín e todo o equipo de biblio do Monte Baliño esperamosvos para o vindeiro curso repletos de novos mundos e fantasías!

ACTIVIDADE "IGUALDADE" CON IRIA E DANI

 Hoxe recibimos a visita de Iria e Dani (nai e pai dun alumno e exalumna do Baliño) que viñeron realizar con nós na nosa Biblio unha actividade de Igualdade, ofertada dende o Concello de Pantón.

No noso recunchiño da biblio, onde nos sentimos tan a gustiño, falamos, debatimos, ofrecimos a nosa opinión, reflexionamos, escoitamos, quedamos sen voz ante inxustizas, analizamos micromachismos... e fixemos xogos entorno ao tema principal: 

A IGUALDADE!

Grazas especialmente a Iria e Dani, porque sempre é un pracer tervos con nós, sempre contaxiando ilusión e bo facer e grazas ao Concello por estas actividades tan educativas e productivas. Oxalá moitas veces!!

FORMACIÓN BIBLIOTECA CREATIVA CON PAOLA

 O pasado venres 30 de maio, andivemos fedellando na Biblio de Lerín con Paola. Ao longo do día e organizados en tres grandes grupos, fomos pasando por este espazo e seguindo as directrices de Paola, que atendemos con moito entusiasmo e expectación.

Traballamos creatividade, programación co makey makey, cosido, circuitos eléctricos con fío condutor... Experimentamos todos xuntos nun ambiente relaxado e distendido de aprendizaxe divertido a través de recursos moi chamativos e motivantes.

Grazas Paola, por ensinarnos as túas ideas e compartir o día de aprendizaxe con nós! 

A continuación, tendes un video para que poidades observar como o pasamos de ben e cantas cousiñas fixemos!!