Fomos de granxa!

 Hoxe pasámolo moi ben na granxa de Puluán!

Saímos do cole felices, con ganiñias de descubrir todas as sorpresas que nos agardaban, primeiro chegamos a granxa e recibíronos con moita ledicia!

Leváranos a ver as crias e as vaquiñas de sete meses, estivemos acariñando e vendo como lle daban de comer ós becerriños!

Despois leváronnos a onde as vaquiñas máis maiores e aquelas que estaban de parto, puidemos ver dous xatiños moi bonitos que acababan de nacer!

Ensináronos os silos e como limpan as "casiñas" das vacas, estivemos amoreando palla e divertíndonos!

A xente de Puluán deunos de almorzar leitiño rico, bica da casa e un queixo que..mmmmm, puxémonos as botas!

Logo estivemos visitando o lugar onde fan os queixos e explicáronnos todo o proceso!

Para rematar, depois de todo o que nos ensinar e nos deran de comer, ainda nos deron uns lápis chulísimos de agasallo!

Non podemos máis que dar as GRAZAS á familia de Puluán polo seu bo facer, por coidarnos tan ben e por ensinarnos tantas cousas do mundo da gandeiría e das vacas!!!

Magostiño no Baliño!

 Esta semana tivemos festa de novo!

No San Martiño, tomamoslle un chouriciño! Fixemos brasas e cociñamos e comemos tod@s xunt@s!

Preparamos os nosos espetos de froita con chocolate negro, nas primeiras horas!

Despois de comer e enfurruxarnos, tivemos unha xornada de xogos con grupos interniveis, que ben o pasamos sempre este día!

Novembro mes da ciencia!

 Durante todo este mes teremos diferentes actividades no noso cole relacionadas coa ciencia, iremos colgando nesta entrada pouco a pouco o resultado das mesmas!

De momento xa temos a nosa estantería temática, chea de libros e enciclopedoias relacinodas coa ciencia, experimentos, física, investigación, curiosidades da natureza, etc...

MES DE NOVEMBRO de CEIP Monte Baliño

Medo mediño no Monte Baliño!

Este ano superámonos no Samín! 

As actividades no cesaron, antes, durante e despois, seguimos celebrando o día do medo que tanto nos gusta!

En primeiro lugar das as grazas a todas as familias que como sempre participan e crean xunto cas crianzas unha chea de actividades que se propoñen dende a nosa biblio, menudas guaridas de mosntros fixeron desta volta...non se sabe cal é a mellor!

Durante esa semana tamén cociñamos, pesamos, amasamos e fixemos galletas medorentas, podedes ver as receitas e todo o proceso no blog do aliméntante ben!

Decoramos todo o cole, cada unha das aulas converteuse nunha entrada horripilante, na que todas as crianzas e mestr@s participamos, podedes ver o resultado nos vídeos!

Tamén creamos uns fantasmiñas coa nosa impresora 3D, despois cada alumno e alumna, pintouno da cor que lle suxire o medo, relacionado co traballo que estamos levando a cabo este ano, chamado "Un monte de emocións", así que o mércores todas e todos nos fomos co noso fantasma medorento, decorado por nós!

Como nos gusta moito a farándula, covertemos o alumnado en actores e actrices, músicas e músicos, e durante unha seseión, deleitáronos con creacións moi variadas relacionadas coa data de Samaín, foi xenial!

Xa por último, o mércores tod@s viñemos ao cole cas nosas galas máis terribles e fantasmagóricas, e coma sempre tiñamos un montón de xogos e actividades que fixeron deste día, outro ano máis, un día moi especial no Monte Baliño!

Día das bibliotecas 2024!

 24 de Outubro, día especial sinalado na nosa biblio Baliño e en todas aquelas nas que o mundo se abre a millóns de fantasías e historias máis alá dos libros!!!

Durante esta semana e no día de hoxe realizáronse diversas actividades!

Entregamos os nosos habituais marcapáxinas, elaborados en conxunto co Colectivo Lemos Le! Este ano están protagonizados polos Brindos, de acervo culturar de Pobra do Brollón, enriquecendo así a nosa cultura popular!

Durante estes días lanzouse para casa un concurso de creación en familias, na que debían recrear o lugar favorita da nosa biblioteca…que marabillas chegaro ao cole, aqui tedes o resultado! Grazas a toda a comunidade por participar!

Durante a hora do recreo, Lerín, a nosa mascota, deixoulle unha pequena selección de contos relacionados co noso PDI “Un Monte de Emocións”, e un mural colectivo no que despois de ler podían debuxar ou escribir emocións e sensacións que o libro que escolleran lles fixo sentir!

Que ben o pasamos!

Un ano máis estamos felices de poder ter un recuncho tan cheo de vida  como é a nosa biblio, a cal dirixe todo o que pasa no Monte Baliño!

Chega Samaín!!!

 Esa época do ano que tanto vos gusta…ja ja ja ja ja🦇🦉🌚!!!

Velaí ven Lerín propoñendo un concurso para Samaín…👻💀☠️🎃👹

Participai!!! Sempre mola aportar algo! Lede as instrucións da actividade para este ano e a ver que se vos ocorre! 

Onde viven os monstros? Cales son as súas guaridas ou casa favoritas?

Lembrai utilizar material de refugallo, faremos unha super expo tenebrosa na nosa Biblo Baliño!

onde viven os monstros de CEIP Monte Baliño

Camiño de inverno!!

Pasiño a pasiño faise o camiño! Aqui vai un resumo do pedaciño de fixemos do camiño de inverno, nunha xornada de convivencia con moitos máis coles da contorna e descubrindo un anaco do Camiño de Santiago que pasa pola nosa zona!

As distancias variaron entre as crianzas máis pequenas que camiñaron 1km e o alumnado maior que camiño 4,5kms!i

Tod@s o pasamo en grande e tivemos un día estupendo para desfrutar da natureza e do sendeirismo!

Despois ao chegar ó cole ca nosa credencial, fixemos unha actividade relacionada co noso PDI, “Un monte de Emocións”, na que cada neno e nena pintou na súa cuncha de peregrín a cor e a emoción que sentiu facendo o camiño de inverno!