ROBÓTICA CON DADOS E SUMAS EN INFANTIL

 A cativada da nosa escola segue a aprender xogando coa Robótica e co noso Blue-bot.

A actividade foi moi sinxela pero atractiva para os nosos nenos e nenas. Desta vez, tocaba robótica matemática. 

Precisamos dous dados e unhas tarxetas de números ata o 12 (que será a puntuación máxima que poden alcanzar, pódese complicar engadindo outro dado e máis tarxetas). A dinámica consiste en lanzar os dous dados, contar ou facer a suma dos puntos e programar a Bluebot para chegar ao número resultado. Se se chega sen pasarse da cuadrícula, conséguese a tarxeta... Gaña o que máis tarxetas obteña. Cando quedan números baixos hai que ir retirando dados, xa que non alcanzaremos o resultado obtido.

Deixámosvos fotiños! Animádevos a facelo!!

Saudiños

2 ABRIL "DÍA CONCIENCIACIÓN DO AUTISMO"

No Monte Baliño seguimos de celebracións e cando son solidarias e por boas causas, aínda o facemos con máis gusto e satisfacción.

Achégase o 2 de Abril, Día de Concienciación e visibilización sobre o Autismo. Trátase dun trastorno de orixe neurobiolóxico que afecta ao funcionamento do cerebro e o sistema nervioso. Esta condición caracterízase por afectar a interacción co mundo exterior, o contacto coas persoas do entorno, así como problemas de comunicación verbal.

Este ano a campaña polo Día Mundial de Concienciación sobre o Autimo ten como lema #llamémoslo por su nombre

Queremos ser parte do cambio e axudar a construir unha sociedade máis respetuosa, polo que dende o CEIP PLURILINGÜE MONTE BALIÑO, pedimos a vosa colaboración. O venres 31 de marzo, elixide prendas ou complementos de cor azul e...

ILUMINAREMOS DE AZUL A NOSA ESCOLA.

Moitas grazas familias!!

50 anos do Monte Baliño!

 Seguimos enfrascados facendo un montón de cousas relacionadas co 50 aniversario do noso cole, a rapazada de cuarto e sexto non deixa de sorprendernos, teñen todo organizadísimo e cantas cousas aprenden polo camiño, xa non so en como cambiou todo, senon tamén aspectos relacionados coa informática, os documentos multimedia, e o próximo…que será?

De momento aqui vos deixamos a cartelería do evento, e un super “trailer” que fixeron elas e eles sos, de pruncipio a fin, dende o guión, pasando pola direción, montaxe e edición, sobre como está o cole hoxe en día, convidandovos a todas e todas que estudiastes, traballastes ou simplemente queredes coñecelo, a que veñades ao evento de convivencia que terá lugar o 3 de xuño.

IMPORTANTE! NON ESQUEZADES MERCAR AS VOSAS ENTRADAS NO BANCO SANTANDER DE FERREIRA DE PANTÓN ANTES DO 26  MAIO.

Purple day 2023!

 Hoxe è o día mundial de concienciación sobre a Epilepsia, no noso cole o venres” puxèmonos morad@s”, cor que se asocia con esta afección.

Este ano enchemos o cole de globos morados!

Cada clase pintou unha latiña de cor morada, traballando o reciclaxe e facendo alarde do traballo en equipo.

Grazas a chegada da primavera aproveitamos para plantar flores no noso recuncho inclusivo, e como non podía ser menos, concienciamos a través da natureza, as nosas plantiñas moradas quedaron preciosas e pouco a pouco irán crecendo, facéndonos consicentes cada día da importancia da inclusión, do apoio e axuda, do acompañamento e da vida en inclusividade e empetía!

Un curso máis, o Monte Baliño conmemora o purple day!💜

Mochilas viaxeiras 2023

 Rematamos a semana cun video moi chulo sobre a mochila viaxeira de Samuel, alumno de sexto de infantil!

Moitas grazas Samuel e familia!

Día da poesía

 O 21 de marzo celébrase o día da poesía, no Monte Baliño fixémolo a través das ondas de Ralerín, a nosa radio escolar!

Aqui queda recollida unha pequena mostra de todo alumnado e profesorado que se achegou en directo durante o recreo para recitar algunha composición lírica!

Viva a poesía e a primavera!!!

Tamén podedes escoitar o programa na nosa radio!!!

26 DE MARZO "PURPLE DAY"

Está preto o 26 de marzo e no Monte Baliño sabemos moi ben que día é ese? Recordades o que celebramos? Refrescámosvos a memoria... é o Purple Day.

Trátase do día de concienciación e sensibilización da epilepsia, un trastorno neurolóxico no que a actividade cerebral normal se ve alterada, provocando convulsións ou períodos de comportamento e sensacións inusuais. Calquera persoa pode padecer de epilepsia.

O CEIP PLURILINGÜE MONTE BALIÑO únese coma cada un dos últimos anos a esta gran iniciativa de visibilización.

O 26 de marzo é domingo, así que este venres 24 de MARZO, estaremos de pre-celebración. Buscade (NON compredes nada) ben nas vosas casiñas calquera cousiña (xersei, pantalón, cinta do pelo, camiseta, calzado, bufanda...) morada, violeta, púrpura... Cada pequeno gran conta polo que agradecemos a vosa colaboración! 

POÑÉMONOS MORADOS O 24 DE MARZO POR TODAS E TODOS OS/AS GUERREIRAS/OS PÚRPURA!!

Mochilas viaxeiras 2023

 Hoxe chéganos este vídeo de Martín de infantil, que xa recibiu de novo a mochila viaxeira con libros e xogos moi chulos!

Moitas grazas familia!

Ecomuseo de Arxeriz

 Dentro do noso PDI sobre Galicia, esta semana achegámonos ao Ecomuseo de Arxeriz, no que descubrimos unha chea de cousas sobre a nosa contorna, e como cambiaron os apeiros de labranza, de recoleción e traballo nas viñas, a pesca e o transporte de alimentos e persoas a través do río Sil e do río Miño, …

Pasámolo xenial, e aprendemos moitas cousas novas!

8 de Marzo no Baliño!

 Coma todos os anos nesta data, conmemoramos e visibilizamos a importancia do respecto, da igualdade, da aceptación e riqueza das diferenzas, da convivencia coas persoas e da importancia de todas aquelas cousas que ainda quedan por cambiar!

Dende o centro, organizáronse diferentes actividades, aqui nesta presentación deixámosvos unha pequena escolma de todo o acontecido durante estes días no noso cole!

Moitas grazas a tres mulleres moi especiais que nos adicaron o seu tempo e as súas palabras!

Biblio creativa!

 Hoxe a cativada de infantil subiron a fedellar nos xogos da biblioteca creativa, que ben o pasaron!

Recollida de material!

 Hoxe as compañeiras de Cáritas achegáronse a recoller o material que se recolectou na carreira solidaria, moitas grazas un ano máis a todas as familias por participar e aportar un pouquiño da súa axuda a aquelas persoas que máis o precisan!

Sodes un exemplo!!!

Lembrando a Rosalía…

 Coincidindo coa celebración do día de Rosalía o pasado 23 de febreiro, o alumnado do centro preparou varias actividades…

Aqui vos deixamos un bonito poema da autora recitado polo alumnado de infantil,acompañado de imaxes desta fermosa terra nosa, Galicia!