Nós escollemos ese día tan especial para lembrarlle ó alumnado a importancia e privilexio dunha alimentación saudable e equilibrada, e tivemos uns excelentes “mestres de ceremonias” para isto, Dani e Iria.
A través do seu libro “Grandes receitas. O raposo Rufo”, no que ademáis de coñecer a Rufo, achéganos dunha forma moi divertida receitas para toda a familia, de doada elaboración e moi pero que moi saudables.
Despois analizamos diferentes productos en función da súa cantidade de azúcres e graxas, para pasar a analizar diferentes anuncios publicitarios, dun xeito crítico, sobre alimentos non moi saudables.
Por último cada quen realizou o seu “prato saudable personalizado”!
Foi unha actividade moi enriquecedora e divertida, coma sempre, que sorte temos de telos tan cerquiña, unha vez máis GRAZAS Iria e Dani!!!
Con motivo das nosas actividades enmarcadas no 25 de Novembro, esta semana
Lerín visitou a clase de infantil, para contar un conto moi especial, Rosa Caramelo.
Despois estivemos reflexionando sobre todas as cousas que lle pasaban a elefantiña...ata que unha vez máis descubrimos, cada un e cada unha debe facer e ser aquelo que o/a fai FELIZ!
Na sesión de psicomotricidade todas e todos xogamos a bailar, a correr, ó fútbol, a imaxinar que por encima de todo, é preciso o RESPECTO, palabra que @s nos@s cativ@s, comprenden xenial!
Que grandes persoiñas sodes!🌈💜🤸🏻🏃🏻♂️🏃🏻♀️
Este ano, como moitas outras cousas, o magosto foi diferente, pero non menos divertido, comemos castañas e chourizos asados, bailamos, xogamos, fixemos talleres de manualidades, pero sobretodo gozamos un pouquiño polo San Martiño!!!🍂🍁🍄🥓🌰🌰
Este ano aínda que as nosas conmemoracións serán máis multimedia que nunca, non podiamos deixar pasar un día tan importante coma o 25 de Novembro, no que celebramos o día en contra da violencia de xénero.
Dende o equipo de biblioteca prouxéronse diferentes actividades, unha delas era a entrevista a unha muller maior que tiveramos cerca, avóa, veciña, gardando as distancias, ou incluso por teléfono...
Os compañeir@s de quinto e sexto, deberán contestar a unha serie de cuestións sobre a vida e traballo, as diferenzas coa actualidade, etc..
@s máis pequen@s aportarían unha foto ou un debuxo, no que conten curiosidades sobre a persoa entrevistada.
Un traballo reflexivo sobre o rol da muller nas diferentes épocas, as circunstancias diversas de cada unha, coñecer máis a xente que nos rodea, e compartir un tempiño enriquecedor con esa gran muller!
Prontiño iremos cargando as diferentes entrevistas, que coma sempre, non nos deixarán indiferentes, xa que estes cativos e cativas son xeniais e sempre nos sorprenden!
MOITAS GRAZAS FAMILIAS!💜
Empezamos a semaniña con esta xoia que nos envía Curtis de 5º, cóntanos con moito detalle que libros lle gustron máis e cales lle gustaron un pouquiño menos!
Moitísimas grazas Curtis e familia!
Esta semanas a nosa cativada contou cunhas sorpresas medorentas no noso momento de lectura… Un amazing tale, uns esqueletes moi divertidos,...
